Udaberrian izango da hurrengo Euskaraldia, 2025ean: maiatzaren 15etik 25era hain zuzen ere. Ohiturari jarraituz, aurten egitea tokatuko litzateke, baina Korrika eta Euskaraldia urte berean ez egitea ere bada aldaketaren xede bat. Baina horretaz gain, aldaketa honen xede nagusia ekinaldia indartzea da. Izan ere, udaberrian txapak udazkenean baino agerikoagoak izatea espero da, kalean jende gehiago ibiltzean baita, eta, era horretan, hizkuntza ohituretan eragiteko lanean urrats handiagoa egitea.