Bilboko Udalak FEVEko bi tren pasabideak lurperatzeko sinatutako hitzarmena luzatzea onartu du

ZORROTZ MORROTZ

Bilboko Udalak Garraio eta Mugikortasun Jasangarriaren Ministerioaren, Adifen eta Udalaren arteko hitzarmena aldatzea eta luzatzea onartu zuen ekainaren 11ko Gobernu Batzarrean, FEVEren trenbidea auzoan integratzeko eta bi tren pasabideak lurperatzeko. 1. eranskina onartuta,  hitzarmena lau urtez luzatu eta urteko ordainketak egokitu dira.

2019ko urtarrilean, lankidetza-protokoloa sinatu zuten Sustapen Ministerioak, Bilboko Udalak eta ADIFek, gai horri heltzeko. Hain zuzen ere, protokolo horren xedea  FEVEren linearen trenbidea Zorrotzako geltokiaren inguruan txertatzea eta obrek eragingo duten hiri-eraldaketa gauzatzea zen.

Jarduketa horiek garatzeko, 2021eko uztailaren 14an sinatu zen orain luzatuko den hitzarmena.

Proposatzen diren jarduketen artean, aurreikusten da metro bateko zabalerako linea Zorrotza auzotik igarotzean lurperatzea, Zazpilanda azpian –1.933 metro inguruko luzerarekin, arrapalak eta sarbide-tarteak barne–, eta, ondorioz, dauden bi trenbide-pasaguneak kentzea. Gainera, lurpeko geltoki berri bat eraikiko da auzoan.