Udalak Txinbo parkeko paisaia egokitzeko lanak lizitatuko ditu

Zorrotza lurmuturreko erriberatik igarotzean, uholde-arriskua arintzen saiatzeko jarduketak herritarrak Kadagua ibaira hurbiltzea erraztuko du.

ZORROTZ MORROTZ

Bilboko Udalak 226.223,22 euroko aurrekontuarekin (BEZik gabe) lizitaziora atera ditu Txinbo parkearen paisaia egokitzeko lanak, Kadaguako ibilgua handitzeko. Lehiaketa publikoaren oinarrietan jasotzen denez, Kadaguan, Zorrotza lurmuturreko erriberatik igarotzean, uholde-arriskua dago eta horrek sortu du jarduketa honen beharra.

Baina, gainera, jarduketa horrek erraztu egingo du herritarrak Kadagua ibaira hurbiltzea, ibilguaren ertzaren egungo desnibelean txertatuko diren plataforma mailakatu batzuen bidez. Plataforma horiek eta barruan harriak dituzten kaiola metalikoetatik sortutako banku berri batzuk, ibaira begira atseden hartzeko eserleku edo begiratoki izango dira. Aldez aurretik, lanak aprobetxatuko dira Kadaguako erribera garbitzeko, eta landaretza berria jarriko da bertan.

Gainera, espaloiko zoladura ere aldatu egingo da, eta farola berriak jarriko dira. Esleitu ondoren, obrak bi hilabete eta erdian amaitzea aurreikusi da.