“Antolatuta eta beldur barik” Desokuparen aurrean

Desokupacyl enpresak Zorrotzako bizilagun bat ilegalki kaleratzeko egin duen saiakera salatzeko elkarretaratzea egin zen otsailaren 6an Zorrotza Kastrexana errepidean, AZET Etxebizitza sindikatuak eta Zorrotza Antifaxista taldeak deituta. Aste batzuk lehenago, enpresa hori bizilaguna etxegabetzen saiatu zen. Bertaratutakoek “enpresa faxista honi irmoki erantzun” nahi izan zioten, baita argi utzi Zorrotzan faxistak ez direla ongi etorriak eta “antolatuta eta beldur barik” Desokupacyl enpresari  aurre egingo diotela ere.