Auzotik mundura begira:Elkartasuna memoria eta borroka 2026ari hasiera emateko

Zorrotzako NATOren Aurkako Taldea

Aurreko baten, prentsa bidez, auzoari aurkeztu geuntsan geure taldea Zorrotz Morrotzen. Hontxe, 2025 urtea agurtu genduan aldarrikapenekaz eta 2026en emongo doguzan lehenengo pausoekaz, eskaintzen deuskuen bide eder hontan, zabalduko doguz.

Joan zan urtean hainbat hitzaldi antolatu eta gero, jaietako elkarteratzeak Palestinaren alde… amaitzeko, eta Palestinarrei gure laguntasuna adierazteko, elkarteratze bi antolatu genduzan, Frai Juan eta Jon Urzelai kaleen arteko bazterrean, eguerdiko ordu batean.

Orain erronka barrie hartu dogu eta otsailaren 7an hitzaldi bat antolatuko dogu Askabide tabernan, arrastiko seietan. Hitzaldi barik, elkarrizketa aurreikusten dogu: Xabik (Antifaxista adituak) datuak azaldu eta gero danon artean eztabaidatzeko gune bat sortuko dugu.

Euskal Herriko eskuin muturraren erradiografia: jaiotza, garapena eta gaur egun arteko bilakaera. Animatu eta parte hartu, ondo etorrie izango zara.

Aurrerago, Bardeetako poligonoari buruz beste hitzaldi bat antolatuko dogu auzo etxean, martxoaren 13an, barikue, arrastiko sei eta erdietan. Bardeetako poligonoaren aurkako taldeko batzuk etorriko dira parte hartzera.

Eta zapatun, martxoaren 14an, NATOren aurkako erreferenduma gogoratzeko eta gure borrokak aurrera jarraitzen dauela ozen esateko, manifa antolatuko da Euskal Herri mailan. Mobilizazio honen inguruko informazioa aurrerago emongo dogu.

Beste erronka bat hartu dogu aurton, Lenin eguna ospatzea auzoan, azkenekoaren hamar urteurrena aprobetxatuz. Bere garaien parte hartu ebien pertsona zein taldekaz jarri gara kontaktuen eta beharrean hasi gara. Baten bat animetan bada, ondo etorria izango da asanbladara.

Eta hemendik aurrera, barriek ekarriko deuskuen inguruen jarraituko dogu beharrean. Adi egon geure deialdiei!!!!!